المخبر العام يرسل تهنئة للسيد الرئيس مفادها :
سيدي الرئيس ..بعد التحية والسلام (العادل والشامل ) نهنئ سيادتك بانتصار أولادكم في الزمالك
وفوزهم بكأس مصر ..ولقد سألت جميع اللاعبين عن سبب فوزهم وأجمعوا جميعا عن أن تعليمات سيادتكم
وخططكم التي رسمتوها كانا السبب الأول والأوحد لهذا الفوز ..وأن الكرة لم تدخل المرمى إلا بعد إتصال عاجل
من سيادتكم
كما أستغرب عدم إذاعة أغنية "إخترناك ..إخترناك" بعد الفوز
ولا أريد أن أطيل على سيادتك وأترككم للسهر على راحة الشعب
مخــــــــــــــــــــبركم الوفي
المخبر العام
هناك 15 تعليقًا:
انا اول مره ازور المدونه الرائعه دي
طبعا دي تعليمات السيد الرئيس ده الريس فاضي بس علشان يدعم الفريق الوطنى لنادي الزمالك ياه عليك يامبارك كمان مهتم بالاقليات مبروك للزمالك
اه صحيح
ياباشا
ايويا بيحرضنى
عاوزك تجيله زياره
بس بسرعه قبل ما يخلينى ارتكب جريمه فى حق الدوله
تم حذف مشاركة المواطن حسام لأنه قال _وهو في كامل قواه العقلية_ أنه زملكاوي غير فخزر..هذا على رغم ما أوضحناه من تشجيع الرئيس للزمالك
وبنحيي المواطنة جيجي لأنها استشعرت إهتمام رئيسنا بكل الناس
ونعلن أننا نتبع في هذه المدونة الأساليب الديمقراطية
لكنها طبعا ذات أنياب
وانا من خلال موقعي هذا ارسل نفس التهنئة للسيد الرئيس متمنيا له دوام الصحة والعافية
ايه دا ياباشا
2 تعليق اتمسحوا ليه
ايه الديموقراطيه دى كلها ده مش انياب
دى مطاوى وسنج
والرئيس اهلاوى
خلى بالك ياباشا
مشفتوش وهوا بيتنطط يوم ما الاهلى كان بيلاعب برشلونه
وكان عايز ينزل يلعب معاهم
زملكاوى فخور
عشان خاطرك
أرجو ألا تتطالنى أنياب الديمقراطيه خاصة وانا أعانى الامرين مع الامتحانات ولأن زملائك فى حرس الجامعه قايمين بالواجب
سيدى بعد هذه التدوينه زالت كل شكوكى وتاكدت من ان رئيسنا المبخل زميل فى تشجيع نادى الصفوه
وكانت الشكوك تراودنى فى الفتره الاخيره بعد النتائج الرائع للنادى الاهلى فى مباراتى برشلونه والنجم الساحلى وما اسفر عنه ذلك من نتائج عظيمه
للزملكاويه طبعا
نرجو من سيادة الرئيس ان يقف بجوارنا فى الايام القادمه
حلو الكمين اللى فى الاول المدونه
بطاقتك يا مدون
ياجماعه ياريت كل الاخوه اللى بيشجعوا الزمالك يمتنعوا لان مهما كان اتوا قليه وبما ان احنا فى بلاد الاستبداد فماعندناش تقبل للاقليات واسالوا حتى المخبر العام وكل المخبرين اللى فى كل حته
هههههههههههههه انت عارف لو زى ما انت قولت كان زمانه الزمالك لسه محلك سر انت ناسى النحس ولا ايه
هعهعههعههع
معانا الكاس معانا الكاس
بقولك يا مخبر عندي شوية ورق مش خالصين عاوزك تخلصة و ليك الحلاوة بس من غير العيش
هههههههههههه
السلام عليكم
المخبر العام
انا اول مرة ازور مدونتك ويسعدنى جدا انى ازورها
على فكرة مدونتك لذيذه جدا
واسمها جميل اوى وموضوعاتها شيقه
الله يوفقك
استمر
السلام عليكم
مدونتك حلوة اوى وموضوعاتها جميله
تحياتى ودايما للامام
جيلان
والله أنياب الديموقراطية على كله ..إحنا عندنا مواطنة ..أي مواطن لازم يتعلم عليه بكام ناب
ثم الزمالك ماهو فعلا محلك سر يا آبي
ولا ايه ..وبطلب من جيجي عدم تحريض الجماهير وإثارة الشغب في المدونة
ومن عينينا يا مواطن يا مصري
ريمان مش عارف هيا بتضحك على ايه
رحالة طبعا للامام
بلدنا بتتقدم بينا
إرسال تعليق