أسير وسطكم ..يمينكم
وخلفكم .....ترونني في مرآتكم
في المقاهي ..في الملاهي..في الجامعات..في الجوامع..
في الشوارع..في السيبرات..في المحلات..في الأسواق
..في المدارس
في السجون
فاصمتوا كي لا تغضبوني
وسأخلع نظاتي السوداء
وأمسك مسبحة
كي لا تعرفوني
وكمان رافع علم مصر يا روح أمك
يا روح أمك
ماشي كده ليه يا له..هيا سايبة
ماشي كده ليه يا له..هيا سايبة
كان ايه لازمته من الأول بقى يا مواطن
قال ايه عاوز ..يبقى رئيس جمهورية .....عند أمه يا أدهم
هناك 10 تعليقات:
هأو
:D
انا مش بخاف منك يا مخبري العزيز
لكن للأسف
مضطر اتابعك
تخيل ؟؟
حد هيتابعك
مضطر أتابعك لأني عارفك
تقدر تحط الحديد في ايدي
ترالم ترلملم
..
كده
يعنى انت السبب فى انى مألتحقش بالسلك السياسى
حلوه مألتحقش دى
والله الفكره حلوه جدا
عاوزين نعرف آليات عمل المخبر
والصفات والمواهب الخاصه التى تؤهله للعب هذا الدور الفاعل فى المجتمع المصرى
وهو بيترقى ولا بيفضل مخبر بس
أنا اسمي مكتوب ؟
طااايب
---
يللا مستنيين الشغل التمام
شغل مخبرين بحق
حلوة قوي قوي الفكرة
اعتبرني من المتابعين والمنتظيمن في المتابعة كمان
يعجبني الناس اللى دماغهم متكلفة
عجبتني قوي لينكات زملاء المهنة
هههههههههههههههههههههههههههههههههههه
جامدة جدا
بس ممكن ياباشا اطلب طلب ربنا يعلي مراتبك ياريت تشيل تأكيد الكلمة دي علشان بتخنقني الصراحة لما اضيف رد واكتشف ان فيه تأكيدات وحاجات ومحتاجات
ربنا يخليك يافندم ومانتحرمش من خدماتك الجليلة
عايزين بقى تعلمنا شوية دروس في تمشية الحال
هههههههههههههههههههههههه
معلش لو فاضى ابئى تعال راقب عندى شوية بدل ماانت قاعد كدة لا شغلة ولا مشغلة
تحياتى ليك
وبالتوفيق ان شاء الله
السلام عليكم ورحمة الله وبركاته
مبروك المُكنه الجديده يا ح المخبر
ربنا يجعل كلامنا خفيف عليك وعلي تقاريرك السريه
ان شاءالله متابعه
اينبي ياشيخ بلاش الوورد فاريفكشن الخنيق ده
سلام
السلام عليكم ورحمه الله وبركاته
فكره جميله ومبروك المدونه
أسال الله ان اجد بها دائما كل جديد ومفيد ومميز ووفقكم اللى الى ما فيه صلاح البلاد والعباد يا سيادة المخبر العام
والسلام عليكم ورحمه الله وبركاته
اخوك
د/احمد جمال
بجد بجد ... لا مخبر تمام بس نسيت تقول انك عصفورة تجول كل الاماكن ونسيت تقول هتلاقيني في حلمك وفي فرشتك وهتلاقيني ناطط في بنطلونك بس مالكش دعوة بالجيب بتاعي علشان فيه متفجرات
... وبدل ماانت مركز على كام مكان بعينهم تعالى راقب وشوف عندي ويا ريت التقرير يبقى على مكتبي كمان ساعة
علشاخاطر المدونة دمها خفيف
وعلشان خاطر ألمخبر ، فأنا بأهديك هذه ألقصيدة :
الخوف جوَّانـا
أنا وانت بس بنتكلم
فيه حاجة تانية كمان ، بـنبلم
لما الناس تستنجد بينا ،
نسد ودانا ، نغمِّـى عنينا ، ويغمى علينا
وساعات نهرب ، نجرى ونبعد
طب ليه نقرب ؟
خوف جوانـا ويّـا هوانا
داخل خارج مع أنفاسنا
عمره ما سابنا
كان تعليما وتربيتنا
الخوف سيدنا
ودا تكوينا ، حاجـات نفسيّـة
ماليه حياتنا وعايشة ما بينا
لمّـا نخاف ونطاطى
قفانا بيطول
يبقى بيلمع
يغـرى الظالم
ينزل ضرب عليه
ويطرقع
وإللى علينا إننا نتذلل
لأجل ما يرضى علينا ويرحم
جدر الخوف فى قلوبنا مآصّـل
زرعوه بدرى فى جدى وجدك
قبل ما نيجى للدنيا ونوصل
شونة جُـبْـن فى بيتى وبيتك
عمرانه دايماً
فيها
وانا مالى
سيبـونى ف حالى
فيها
يا عمى ، ديه ناس طايلة
واحنا ح يالله
ناكلها بدقة لو نتعشى
وفيها
عيالى ، يلودوا من بعدى
وفّـر صوتك ، وابعد عنى
فيها
حيطانا ، ودانها كبيرة
بتسمع حتى دبِّـة نملة
وفيها ... وفيها
رموزها كتيرة
إللى ذاللنا ، لقمة عيشنا
هنا ها ناكلها ، وهنا ها نكلها
والرزاق مش أنا ولا إنت
ولا ملايين الكون ها تفيدك
ولا تساعدنا ولا ها تضرّك
ولا ها تطوِّل لحظة فى عمرك
إللى يفيدك قوة إيدك
ويّـا إرادتك ، مع تصميمك
انزع جدر ألخوف من قلبك
شوف آيه هدفك
وانا من قبلك
خطوة بخطوة نشق طريقنا
وناخد تارنا م إللى ظالمنا
وانا من جهتى ، جايب له هدية
كلبش مصدى وعمره ما يفتح
ساعة مفترجة ، خليه يفرح
**********************
وتقبل تحياتى / نبيل محمود
balboul@gmail.com
إرسال تعليق